Bestiario (ou Bestiarum Vocabulum): Parte II

Nova entrega do meu bestiario de criaturas máxicas particular.
Como vexo que a primeria parte foi do voso agrado, aqui van uns cantos seres máis para abrir boca neste novo ano. Para comezar cun artigo con pouco letra e moitas imaxes...
Non sei se os coñecedes ou non, pero espero que vos guste...

Cíclope: xigantes cuxo rasgo máis característico é a presenza dun só ollo na súa faciana, moi fortes, tercos e de emotividad abrupta.

Lobishome (ou licántropo): seres humanos capaces de transformarse en animais total ou parcialmente, no caso do lobishome adquire apariencia lobuna.

Troll: horrible humanoide moi áxiles, de gran forza e destreza e cun desenrolado sentido do olfato.

Ogro: enormes humanoides, de aspecto tosco e desagradable, mal carácter e guerrilleiros.

Estirge: seres voadores que succionan sangue para sobrevivir. Forma física parecida aos paxaros con ás de morcego.

Mantícora: ser monstruoso con corpo de león, ás de morcego, cola de escorpión e con faciana humana.

Quimera: ser monstruoso de orixe escuro, híbrido entre un león, un macho cabrío e un dragón.

Leviatán: ser monstruoso e xigantesco, mezcla entre unha serpe mariña e unha balea, e de orixe descoñecido.

Hipocampo: híbrido con características dun peixe e dun cabalo. Físicamente ten cabeza, torzo e extremidades de cabalo, substituíndo os cascos por aletas.

Golem: ser creado máxicamente a partires de forzas elementais.

Fauno: xenios dos bosques, descritos como monstros, metade homes e metade cabras, con cornos.

Ondina: variedade de ninfas, propias de augas doces e lagos, corpo azulado ou verdoso, pés e mans palmípedas, coa capacidade para respirar fóra e dentro da auga.

Basilisco: horribles reptís moi temidos polo seu poder de petrificación. Existen varios tipos: este, o máis común, híbrido de galo, reptil e morcego.

Arpía: mezcla entre muller e buitre, concretamente a parte inferior do seu corpo e as ás.

Naga: serpes semidivinas con cara humana, xeralmente dunha muller, moi poderosos e malvadas.

Se vos gusta, creo que aínda se me poden ocurrir máis...

O fantástico Señor da Xe

Bestiario (Bestiarum Vocabulum)

Ou compendio de bestas, volúmenes ilustrados que describían animais, plantas e incluso rocas, moi populares durante a Idade Media, no meu caso de seres mitolóxicos (algo que sempre dende meniño me fascinou)

Dragón: inmensos reptís alados pertencentes a unhas das razas máis antigas da mitoloxía.

Minotauro: inmenso humanoide con cabeza e rabo de touro, moi fortes e musculosos. O máis coñecido é o do labirinto de Creta

Fada: criatura fantástica e etérea, xeralmente personificada nunha muller fermosa. Protectora da natureza.

Serea: mulleres-peixe de gran beleza e preciosa voz. Moitos mariñeiros toparon a morte ao escoitar este canto tan suxerente.

Medusa: monstro femenino que volvía de pedra a aqueles que a miraran.

Hidra: monstro xigante que ten apariencia de reptil e múltiples cabezas.

Grifo: seres voadores moi veloces, metade águia, metade león.

Hipogrifo: seres voadores, metade cabalo, metade grifo. Criaturas maxestuosas, coñecidos polo seu apetito foraz hacia a carne de cabalo.

Kraken: enorme crituara submarina que habita en océanos e augas moi profundas.

Unicornio: criatura mitolóxica representada como un cabalo branco, con patas de antílope, barba de chivo e un corno na súa fronte.

Pegaso: corcel alado de natureza máxica, intelixente, bondadoso e salvaxe.

Centauro: ser con corpo de cabalo e torso, brazos e cabeza de home. Habita en equilibrio coa natureza, caza só o que precisa para vivir e se tala unha árbore, pranta outra.

Fénix: o Ave Fénix é un enorme páxaro envolto en chamas e de plumaxe vermello anaranxado, coma o lume. Un ser máxico e fabulos capaz de resucitar das súas propias cinzas.

Dríade: xurdiron da coñecida como "Árbore das Hespérides", son as ninfas das árbores en particular e do bosque en xeral.

Esfinxe: ser con corpo de león e cabeza humana. Na mitoloxía exipcia a esfinxe é unha estatua masculina, con corpo de león e torso de home, e as veces con ás. Famosa polas adiviñanzas que propoñías aos viaxeiros a cambio das súas vidas.

Cerbero: é o vixiante da porta que conecta o mundo dos vivos co reino do Hades. É un ser fero con forma canina, tres cabezas e unha cola con serpes.

Intentei poñer en principio os máis coñecidos, ou aqueles que a todos nos soan, se vos gustou este artigo aínda quedan moitos seres por poñer que seguramente non coñezades. Que lle vou facer se a mitoloxía sempre me gustou...

O máxico Señor da Xe